Øyvind Brandtsegg
Fotograf: Anja Elmine Basma
Øyvind Brandtsegg blei uteksaminert ved Institutt for musikk, NTNU våren 2008. Tittelen på arbeidet hans er "New creative possibilities through improvisational use of compositional techniques - a new computer instrument for the performing musician".
Førsteamanuensis Carl Haakon Waadeland, Institutt for musikk, NTNU, har vore hovudrettleiar. Professor Ivar Frounberg, Noregs Musikkhøgskole, har vore birettleiar.
Bakgrunn for prosjektet:
Tradisjonelt sett er musikk blitt komponert og framført i to ulike arbeidsprosessar. Komposisjon dannar musikken sin grunnstruktur ved at innhaldet i musikken blir bestemt. Det er likevel først ved framføringa at musikken blir gjort levande som kunstnarisk uttykk.
Mange komposisjonsteknikkar er basert på intellektuelle konstruksjonar som er vanskeleg tilgjengeleg ved framføring. Slike teknikkar er viktige for å skape samanhengar i musikken, som formskapande element. Desse teknikkene lar seg automatisere ved hjelp av dataprogram, og kan derfor gjerast tilgjengeleg for utøvarar ved framføring av musikken.
Improvisasjon kan betraktast som komposisjon i sanntid. Denne betraktingsmåten gir moglegheiter for interaksjon mellom dei prosessane som inngår i det å skape eit stykke musikk, og slik åpne for å lage musikk på nye måtar. Stipendiatarbeidet dannar grunnlaget for ein syntese av prosessane komposisjon og improvisasjon.
Sluttvurdering
Til å vurdere det kunstneriske utviklingsarbeidet blei følgjande vurderingskomité oppnemnd:
- Dr. Victor Lazzarini, NUT Maynooth, Ireland
- Komponist, utøvar og computermusikar Lawrence Casserley, London
- Førsteamanuensis Magnus Lie Hetland, Institutt for datateknikk og informasjonsvitskap, NTNU
Kontakt Øyvind Brandtsegg på e-post: obrandts@gmail.com
Les mer på http://oeyvind.teks.no/results/